原食譜應是”蘑茹白松露鵪鶉蛋批” 但買不到乾白松露,而食譜有提及可用牛肝菌代替,所以最後還是改用了牛肝菌了....
一個很多工序的鹹批..我用了2天的時間反覆地?究...昨晚終於成功在蕭家廚房面世了.
批底極鬆化,配上清香的牛肝菌,很美味啊...經實驗證明, 撻底過一夜後還是鬆化沒有受潮啊 !
食譜轉至 Cystral's Blog
【蘑菇白松露鵪鶉蛋批】
酥皮 (2個6寸批模份量)
中筋麵粉 175g
牛油 110g(用錫紙包好放入冰格冷藏30-45分鐘)
鹽 1小撮
冰水 2湯匙
做法:
- 麵粉和鹽一同過篩放入大盆內。
- 掀起冷凍牛油錫紙,手拿著有錫紙那邊,輕蘸上麵粉,用刨刨粗絲入盛載麵粉和鹽的大盆內。(中途再將牛油蘸上盆內的麵粉,刨絲會比較容易)用大抆刀把麵粉和牛油混合。
- 將 2 湯匙冰水加入(2)內繼續用大抆刀盡量混合,最後用手把麵團搓好。(如有需要,可以加多一點點冰水)
- 用保鮮紙包好放入雪櫃冷藏 30 分鐘。
- 灑少許手粉在桌上和酥皮上,將它輾至 3mm 厚。
- 放入撻模,用?剌酥皮。
- 放入雪櫃冷藏 30 分鐘。
- 預熱焗爐 200 度。
- 先焗 10-15 分鐘,掃上蛋白再焗 5 分鐘或至金黃,待涼備用。
溫馨提示:
- 這撻皮比較鬆化,要有適當的厚度才不容易弄碎,甚至輾厚一點也不會對成品有太大影響。
- 做好的撻,如不是即時使用,可用密實盒裝好放入雪櫃內貯存。
- 有剩的麵團可放入冰格貯存,需要時放在室溫解凍後便可以使用。
- 撻皮入微波爐加熱也一樣鬆化。
蘑菇餡 (1個6寸批模份量)
黑(深褐色)蘑菇 275 g
乾牛肝菌(dried porcini)或
乾白松露 20g(浸泡了並瀝乾水)
乾蔥 5粒
牛油 25g
原粒豆蔻(磨碎) 1/3粒
海鹽 適量
即磨黑胡椒 適量
做法:
- 將蘑菇、乾porcini蘑菇/乾白松露和乾蔥放入食物攪碎器內攪碎。
- 平底鍋中加入牛油,用大火炒香蘑菇混合物,加入調味料。
- 轉細火煮至汁液完全蒸發,大約 20-25分鐘,放涼備用。
溫馨提示:
- 最初不要加太多鹽,因為汁液蒸發後,蘑菇混合物的味道會比較濃郁。建議在汁液蒸發後才試味,有需要時才加鹽。
- 要煮至汁液完全蒸發,才能確保撻皮不會被汁液浸淋,以致不鬆脆。
- 煮好後可把鍋傾斜擺放,令多餘的汁液流在鍋的另一端。
鵪鶉蛋 (18隻)
- 用幼針在室溫鵪鶉蛋圓那邊刺一小孔(可防止蛋在加熱時膨脹爆裂),將鵪鶉蛋放入一鍋凍水內(水要蓋過蛋約 1cm),將水煮至即將沸騰的狀態,開始計時,烚 5 分鐘。
- 鵪鶉蛋烚好後用冷開水沖 1 分鐘,然後將鵪鶉蛋浸泡在冷開水內 2 分鐘(以便容易剝殼),剝殼後再浸泡在冷開水內直至完全冷卻(可防止蛋黃外層出現黑色圈),瀝乾水備用。
泡沫荷蘭汁
蛋黃 2隻
蛋白 2隻
檸檬汁 1茶匙
白酒醋 1茶匙
牛油 110g
海鹽 適量
即磨黑胡椒 適量
做法:
- 將蛋黃打散加入鹽和胡椒用攪拌器(有刀片那種或 Bamix 用有窿的 blade)打1分鐘至完全混合。
- 將檸檬汁和白酒醋混合及煮滾。
- 一邊將(2)以緩慢並均等之速度加入(1)內,一邊用攪拌器打至完全混合。
- 將牛油煮溶(不要煮焦),一邊以非常緩慢並均等之速度傾入蛋黃漿(越慢越好,好似「拉茶」一樣慢慢拉一條幼線傾入),一邊用攪拌器繼續打發直至混合,刮邊,再打發一會至完全混合。
- 將蛋白打至有軟勾。
- 將(5)拌入(4),以切拌方式輕輕拌勻。
溫馨提示:
- 剩餘的泡沫荷蘭汁,可放入雪櫃內貯存,需要時隔水加熱便可以使用。
- 亦可放入冰格貯存,解凍後隔水加熱便可以使用。
組合
- 將撻放入已預熱焗爐內,蓋上錫紙,大火烤 (grill) 5 分鐘。
- 將蘑菇餡加熱,倒入已烤熱的撻內,放上鵪鶉蛋。
- 將泡沫荷蘭汁淋在撻面。
- 放入已預熱焗爐內以大火烤 (grill) 至面層金黃色即可。
溫馨提示:
- 可預先準備好撻、蘑菇餡、鵪鶉蛋和泡沫荷蘭汁,需要時取出組合
好得呀! 第一次整已經好靚啦!
回覆刪除係好多工序, 不過係好值得架! 你下次試下搓定個皮, 整定個?,食既時候至組合, 咁咪會有多 d 時間準備囉!
[版主回覆08/26/2009 11:36:00]多謝你呀...我尋晚整左成3個鐘呀...因為搓左個皮又要放入雪櫃等....你講得?, 下次我會搓定個皮, 整定個?,咁會好好多...不過我想請問個 泡沫荷蘭汁真係可以整定嫁? 咁個蛋白咪會沉晒囉?
唔洗客氣,仲有要 烚定 d 蛋....
回覆刪除泡沫荷蘭汁係可以整定架!我會將個蛋白打得企身 d,用唔晒放入雪櫃,用時隔熱水座熱就得架啦!
你睇 呢兩個 都係用整定既 泡沫荷蘭汁,無問題喎!
[版主回覆08/26/2009 12:18:00]Thank you. 如果可以整定晒咁多材料, 就會好方便...我D同事都好鐘意呀, 不過我落鹽重手左少少, 因為我成日唔知乜野叫適量.
嘩﹗妳係最快整呢個批既朋友仔呀﹗勁﹗簡直係一模一樣﹗掂
回覆刪除[版主回覆08/26/2009 13:45:00]哈哈, 我都讀左2 日先敢整嫁....個食譜真係好長呀
好特別喎! 而且好得意呀~ 好多蛋!
回覆刪除[版主回覆08/29/2009 22:45:00]係呀, 不過千其唔好1個人食晒呀..
妳好勁呀
回覆刪除食味如何呢?
[版主回覆08/29/2009 22:46:00]好好味嫁....真係...你都d快試下
犀利啊!! 我未敢開工呢
回覆刪除[版主回覆08/29/2009 22:47:00]快鼓起勇氣...買齊材料去開工啦..