一直想自製果醬, 聽說很容易, 後來買了一本 : 熱情果醬, 看後覺得真的值得一試. 自家製不含防腐劑,沒有色素, 真材實料. 又可自選甜度. 自行減糖, 吃得健康.
果醬材料簡單, 只要生果, 糖, 檸檬汁, 粉未果膠便可以開工. 在云云的果醬中, 我選了.鳳梨果醬打頭陣, 為要做書上介紹的另外一款甜點 : 鳳梨布朗尼
每一口都是新鮮果肉, 非常滋味. 接下來的將會有士多啤利, 藍苺, 香蕉, 火龍果, 差不多百份之九十的生果也可以做果醬的.
至於鳳梨布朗尼(Brownie) 則不日公演.
食譜來至:熱情果醬
材料:
1. 鳳梨淨重 500g
2. 檸檬汁 15g
3. 砂糖 150g(我只用130g)
4. 八角 1.5g(1/4茶匙)
5. 粉末果膠 2.5g
程序:
1. 鳳梨去皮、去釘 (可請果販代勞)
2. 再用攪拌機打成溶;倒入100g砂糖及檸檬汁拌勻,放入雪霜冷藏一晚;
3. 第二日,將鳳梨醬放入煲內煮沸,加入餘下30g砂糖、果膠,用大火煮沸,慢慢會出水及起泡;用細火繼續煮,將起泡的雜質拿走,要保持攪拌,直至沒有再起泡為止;
4. 煮至鳳梨醬有流質狀況,約15分鐘,熄火前加入八角粉末拌勻;
5. 立即倒入已經消毒的玻璃瓶內保存。
好得呀 .. 流緊口手ing
回覆刪除好期待鳳梨布朗尼的首影
[版主回覆09/30/2008 11:28:00]真係幾好味嫁.
哈哈~ 原來你就係蕭亞蓮... 哈哈... 我就?笑死... 我仲以為做咩改個咁既名~ nice to meet you~ 琴晚~
回覆刪除[版主回覆10/02/2008 09:45:00]呢個名係教會弟兄改既, 已經美化左, 本來叫蕭鴨蓮, 被我嘈到佢死咁滯先叫呢個,...
我整過一次士多啤梨jam .試過一次真係覺得好好味
回覆刪除雖然好想再整其他味. 但成日都懶. 冇再整
[版主回覆10/02/2008 09:42:00]自家製真係好好味.
蕭鴨蓮好型喎 嘿嘿!
回覆刪除你呢?同鳳梨酥餡有冇關係?! 我想整鳳梨酥呀~
[版主回覆10/02/2008 13:19:00]佢較軟身,是果醬口感. 用?整 鳳梨酥好似有D勉強, 我好似布一個自製
鳳梨餡的食譜, 搵到後可以send 俾你. 但你都可以去二記買現成的
鳳梨餡