蕭家廚房 - 紅莓栗子朱古力撻

這個撻是一位好特別的朋友的生日蛋糕, 

還記得在大約三年前, 有一天同事中午吃飯的時侯, 他突然說: ( 好想研究一下

木糠布甸係點整) 就係咁, 我記在心裡. 想不到過了二星期到契仔家裡慶祝他生日時, 他媽媽捧了個木?布甸出來, 還說是自已整的.  我連忙問她 : 難嗎? 她說 : 超易.

就係咁, 我上了她家裡學了我人生第一個蛋糕.

 

之後公司同事吃後大讚, 女同事紛紛叫我開班, 如是這, 由一個只整了一次蛋糕的我開班, 教識了幾個女同事整呢個蛋糕. 事實真相係呢個蛋糕真係超易, 完全冇難度.

 

之後引發了我對整蛋糕的興趣, 一發不可收拾, 由初初買書自學, 到後來出外報讀一些蛋糕課程, 就這樣, 經過了三個年頭了.

 

今天是他的生日, 我不會再整木?布甸給他了. 依稀還記得他愛吃朱古力, 於是就整了這個朱古力楗給他.  本來尋晚影了一幅靚相, 今早才發現原來我忘記入咭, 幸好還可以補影一張.

 

 

終於買左聖安度唧咀啦

呢個唧咀我想買好耐啦, 但一直搵唔到, 問輝Sir佢話香港好小地方可以買到, 就算買到但quality 唔好, 都唔會唧得靚. 想要買靚既聖安度唧咀要去日本. 但正所謂 : 唔理好醜,求其就手. 就算唔靚但起馬都可以pratice下. 上星期睇到Vanlily 個blog 介紹左二德惠及中環太子大廈的Pan Handler有得買, 真係拿拿臨去買.

先去Pan Handler, 戰程激烈, 好多貨已被人Hold 起. 我好彩仲買得到, 因為聽人講呢間成日會冇貨嫁.

然後再去二德惠, 但個度D女仔都唔知乜野係聖安度唧咀, 話聽都未聽過, 心唸都算啦, 用住個大size 先啦.  但尋晚要去入貨, 唔死心又搵, 竟然被我搵到喎, 發達啦, 仲要係六蚊雞, 可抵. Pan Handler 個咀要成HK$120.00/2個嫁. 六蚊雞咁就算唧得唔靚都可以理解同原諒喎.

蕭家廚房 - Mont-Noir(II)

上星期睇Vanlily 個Blog, 得知中環太子大廈的Pan Handler有

聖安度唧咀買,咁我就拿拿聲趕去啦. 仲買到一個我搵左好耐既矽膠模,好開心呀. 星期日開工除左整咖啡雪芳蛋糕, 仲整左呢個Mont-Noir. 好濃既朱古力, 係我既至愛.

蕭家廚房 -雪芳系列: 咖啡雪芳蛋糕 (附食譜)

有Blogger要求我Post 個食譜, 冇問題, 正所謂有福同享囉

 

食譜：

咖啡雪芳蛋糕－17 cm   (20 cm ) -- (參考及修改自: 好吃戚風蛋糕輕鬆上手)

材料：

蛋黃                  3個            (5個)         砂糖            40g           (65g)

液體菜油    　    40 ml         (65ml)       水                45 ml        (65ml)

即溶咖啡粉       2-1/2大匙  (4大匙)

蛋白                  4個             (7個)　    砂糖              40g          (65g)

低筋麵粉           80g             (135g)     

製作過程:-

1) 把低筋麵粉過篩

3) 即溶咖啡粉加入熱水擾勻放涼備用

2) 把蛋白打至起泡, 將糖分三次加入發打, 直至蛋白成中性發泡，拿起時呈現尖角狀態

3) 用另一個盆, 蛋黃加入砂糖攪拌,直至呈現淡黃色，質地杰杰.慢慢加入液體菜油及放涼後的咖啡輕力攪勻備用

4) 將1/3份量之蛋白放入蛋漿攪勻---->下一半份量麵粉(用fold-in 形式混合)----->再下1/3蛋白混合----->下剩餘的麵粉再混合,最後落埋剩餘的1/3蛋白直至完全混合

5) 入爐以180度焗30分鐘　 (40分鐘)

 

溫馨提示：1) 步驟1 & 2要以輕力快手的方式混合

                    2) 我自已通常會減1/3糖.  

洗塵宴 - 西川日本料理

星期六又有人請食飯, 為妹妹洗塵. 有人請當然首選日本菜啦.

1) 特上魚生 (好正) 特別係拖羅. 好味到要另外叫多一碟.

2) 大根 (即係羅白啦) 只有得4件,好?貴

3) 雜菜 (冇花冇假, 就係得咁多)

4) 鹽燒牛舌 (好味)

5) 燒油金魚頭 (都好味)

6) 煎魚餅 (有魚肉鮮味, 唔會死實)

7) 燒飯糰 (呢個冇食, 已經好飽)

8) 冷面 (呢個都冇食, 好飽)

9) 三文魚飯糰 (有乜特別)

10) 我要了芝麻雪糕

四人埋單差不多HK$2000.00.

 

蕭家廚房 -雪芳系列: 咖啡雪芳蛋糕

因為妹妹遠從加拿大回來, 蕭家廚房的主廚- 即是我啦, 小不免要陪她出外飲飲食食, 所以蕭家廚房在上星期收爐了一個星期, 終於在昨天再度開工.

因為妹妹要求我教她基本簡單的蛋糕讓她回加拿大後可以在老公面前出一口氣, 冇問題, 雪芳蛋糕就是最容易上手而又人見人愛 , 永恆受歡迎的蛋糕之一.

今次整咖啡雪芳係因為 咖啡是她的favour , 每天都要有一杯, 其實本來我想整奶茶雪芳的. 妹妹的食後感 : 果然非常鬆軟, 咖啡香濃.

食譜出至: 福田淳子 的 "好吃戚風蛋糕輕鬆上手" 全書有44個雪芳蛋糕食譜, 每次整一個都有排整.

一家團聚的第一餐

妹妹昨天中午機到香港, 昨晚一家當然出外晚餐. 是晚為海鮮宴 好豐富.

1) 麵醬油麥菜

2) 清蒸杉斑 (好味, 好滑, 蒸得時間??好)

3) 紫羅腰? (媽咪堅持要點的)

4) 蒜蓉粉絲蒸蟶子(好味)

5) 清蒸鮑魚 (好大隻嫁)

6) 椒鹽瀨尿蝦 (都好惹味)

7) 白灼蝦 (冇影相, 但D蝦好大隻)

8) 燉湯 (冇影相, 但D湯好鮮甜, 我媽咪好鐘意)

埋單唔知幾錢, 因為有人請

 

加拿大來的手信

我家的么女終於回來了. 想她嫁到加拿大原來不經不覺已差不多四年了. 今次回家一來探親, 二來要更換身份證. 昨天一回家, 滿地都是她帶回來的手信, 全是食物, 百份之80是朱古力還有乾果及香料. 請看以下只是給我一人份量的禮物. 如果全郊食晒, 我恐防我會變成一個二百磅的肥婆

元朗大榮華酒家

終於一嘗心願到聞名已久的元朗大榮華酒家食晚飯, 一行10人, 但竟然可以食晒14個小菜加5個豬油撈飯再加甜品, 死未!!! 以下係我個人既食後感

1) 雞肝冰肉 (正式名字忘記了) - 超得!!!

2) 雞蛋焗魚腸 - 好得

3) 脆皮燒肉 - 好得

4) 香莤燒米鴨 - 雖然我唔係好食鴨, 但呢個真係好食.

5)粉絲雜菜煲 - Ok

6) 莧菜魚茸羹  - 估唔到咁得

7) 頭抽蒜片煎生蝦 - 好食

8) 梅子麵醬蒸烏頭 - Ok

9) 椒鹽九肚魚 - Ok

10) 梅子咸菜蒸金錢鱔 - Ok

11) 奶王馬拉糕 - 超得 (因為我D朋友竟然要帶走, 所以我有理由相信佢你得)

12) 奶皇水晶飽 - 朋友話個奶皇得, 但個皮唔得

另外5個豬油撈飯, 我唔記得影相, 3個炒菜, 我覺得冇乜好影. 8個人每人都係俾HK$140.00. 其實都好抵, 因每個小菜係均一價, 碟碟都係HK$50.00.

蕭家廚房 - 檸檬紅莓磅蛋糕

因為新買了一本書, 裡面有多款磅蛋糕食譜,所以星期六又整了另一款"檸檬紅莓磅蛋糕"

今次是酸酸甜甜的口味, 我老爸好欣賞.

 

蕭家廚房 - 咖啡朱古力磅蛋糕

星期一教會有弟兄姊妹請我吃了一頓西餐, 其實我係陪客, 主要有姊妹生日, 我面皮夠厚跟住去囉.   

但做人既野, 不能白食, 所以尋晚就整了這個 朱古力磅蛋糕作為回禮. 點解整呢個? 因為我買了一本新書, 我又從來冇整過磅蛋糕, 所以決定係呢個啦.

原食譜本來只係朱古力磅蛋糕, 但我加了8g左右咖啡粉, 將佢改為咖啡朱古力磅蛋糕,其實磅蛋糕原來好易整, 材料簡單, 不愧為送禮佳品.

食譜修改如下:-

低根粉 - 120g,  砂糖 - 120g (我改為55g) , 發粉 - 2小匙, 牛油 - 100g , 雞蛋 - 2 隻. 咖啡粉 - 8g  , 朱古力 - 60g

1) 預熱焗爐180度

2) 先將牛油 + 砂糖打起

3) 再加雞蛋, 逐隻加入, 充份拌混,

4) 再加入溶朱古力,

5) 最後加入所有粉類.

6) 170度焗35分鐘.

 

 

 

蕭家廚房 - Spinach Ham Quiche -- 菠菜火腿芝士批 take II

又再整Spinach Ham Quiche , 但今次唔用Cream 改用Milk, 唔想咁溜.  但因為要減肥, 我都係冇食到. 真係慘, 有得整, 冇得食.