還有六天, 春節又將到了. 今年的春節緊接聖誕及元旦, 但說到底春節是中國人的大節日, 所以無論如何蕭家廚房也要作出準備.
今年第一炮的就是紅豆年糕. 這個年糕去年也已經做過了, 不甜不膩的味道剛好, 況且紅豆是我的最愛, 今年當然要安哥的.
食譜： (原文出至蔡師奶的食譜)
紅豆年糕 (改良自亞洲小食)
材料： (2斤裝)
紅豆 150克 糯米粉 150克 澄麵 80克 紅糖 220克
水 390克 油 30克
做法：
1) 紅豆預先煮諗至起沙，隔去水份備用
2) 糯米粉及澄麵放入大碗中攪勻，用200克水慢慢攪成粉漿備用；將餘下之190克水加入紅糖煮至溶，隨即加入紅豆和油，然後將糯米粉漿倒入紅豆糖水中，邊倒邊攪勻成糊狀
3) 糕盆搽上油，倒入糕漿以大火蒸1小時即成。
溫馨提示：
1) 煮紅豆時要凍水落豆，水浸過面便可；待水滾後便改中慢火，見收乾水時輕輕添加入凍水至過面，煲約35-40分鐘便會諗至起沙
2) 這款糕點可切件煎香或凍食皆可口美味
3) 原食譜糖份量為300克，經修改後調整為220克，甜度適中
我未食過有紅豆既年糕喎@3@ 好靚呀
回覆刪除[版主回覆01/20/2009 12:52:00]多謝晒, 食譜已經貼上, 你都可以試下, 唔錯嫁.
食到你個紅福糕......就真係有福啊..
回覆刪除[版主回覆01/20/2009 12:51:00]哈哈哈, 希望班老鼠仔係咁唸...
想請教~~~紅糖=brown sugar?? 定係食大閘蟹用?煲薑茶果隻??
回覆刪除係咪街市有架啦??thx
[版主回覆01/20/2009 15:23:00]紅糖係用?食豆腐花個種糖, 係超市都有嫁. 你記得紅豆先 煲至起沙, 但係D紅豆水我唔會倒既, 190克用?煮溶D糖, 另外200克用?加入D粉度, 我覺得糕既顏色會靚D
多謝你?少貼士~~~
回覆刪除[版主回覆01/21/2009 08:54:00]唔洗客氣
好呀!!等我都try下先
回覆刪除[版主回覆01/21/2009 08:54:00]係呀, 試下, 都唔係好難整.
仲咩唔整俾我呀!!
回覆刪除[版主回覆01/21/2009 08:54:00]你肯食?
求救丫~~~我琴晚衰左~~~
回覆刪除我覺得係衰個糯米粉同澄麵粉漿~~~我開完已經好傑~~九成似固體~~
當我分次落入紅豆漿時~~糯米粉漿成左一舊舊~~~衰左~~~
想請問以上情況係唔係唔應該出現??
另當加入粉漿時，是否應熄火??
thx.
[版主回覆01/21/2009 11:08:00]首先, 我係同 煲紅豆既水先量190克, 然後加入紅糖煮溶成紅糖水備用. 然後, 再量200克紅豆水落入D粉度, 先搞均, 此時粉漿應該係杰既, 然後再加入紅糖水, 再搞均, 呢個時侯, 粉漿會變得好"戲" 咁就可以蒸啦.
另外, 你唔係一路 煲紅糖水時一路落粉呀, 如果係咁就錯晒啦. 你一路煲D粉會熟晒嫁啦. 你應該係將D煲好既糖水慢慢加入D粉度, 搞均後先落入糕模再?去蒸.
哦~~~~~收到啦~~~我衰左兩樣~~~
回覆刪除1. 開左個粉漿放左?樹好耐~~~
2. 加漿方法相反左～～～
好～～聰晚再試過～～～～thx.
我試左呀! 不過我偷雞，我用左新信興既現成原粒紅豆(之前用剩，同埋自已懶紅豆要咁耐時間)，撈落粉漿，搞勻，蒸完，d 紅豆粒爛哂，係哂底部。 都係下次自己蒸紅豆好過，係呢，請問你D 紅豆粒點樣先可以平均分布響個年糕度呀?
回覆刪除[版主回覆01/22/2009 11:59:00]我整個幾底糕都有呢個問題, 而家都仲唸咁方法...
成功左啦~~~今次成功左啦~~~跟你教我個次序~~糕糕好滑~~~不過我都有大部份紅豆浮面情況~~
回覆刪除[版主回覆01/25/2009 11:51:00]哈哈, 唔緊要啦, 一樣都係好味就得啦.
我都係咁話~~~
回覆刪除[版主回覆01/26/2009 14:59:00](Empty)